المحرر موضوع: ما هو ال H-index للباحث او العالم ؟ وما هى فائدة ان يتم الاشارة إلى ابحاثنا ؟  (زيارة 919 مرات)

0 الأعضاء و 1 ضيف يشاهدون هذا الموضوع.

غير متصل محمود الرزاز

  • https://www.facebook.com/mido.razaz
  • مدير
  • Hero Member
  • *****
  • مشاركة: 805
  • Karma: +0/-0
    • freelancers.city
    • البريد الالكتروني
  • السنة الدراسية: تمهيدى ماجستير
  • القسم: علوم الحاسب
السلام عليكم

اتمنى الجميع يكون بخير وكل عام وانتم بخير جميعا
كان ليا تعليق لعله يكون فيه افادة لبعض الزملاء ان شاء الله .
فى الفترة الاخيرة حاولت مرارا الحصول على بعض الادوات والمصادر البحثية فى مجال رسالتى وراسلت كتير من المؤلفين الناشرين لاوراق بحثية بيستخدموا الادوات ديه اللى هى المفروض متاحة لاغراض البحث زى ما هما بيكتبوا فى الورقة البحثية بتاعتهم لكن للأسف الشديد إما إن محدش بيرد عليا وإما ان طلبى بيتم تجاهله أو رفضه. والغريب ان معظمهم من جامعات عربية شقيقة.
طيب السؤال هنا هو اللى بيعمل بحث ومشعايز حد يكمل بعده ويبنى على شغله خصوصا بعد ما ينشر اوراق بحثية لشغله يعنى الملكية الفكرية للبحث تم اثباتها. اللى بيعمل كدة بيستفاد ايه من كددة ؟ او خايف من ايه بالظبط ؟؟
انا اقتبست مقطع صغير فى الصورة ديه فيه ورقة بحثية نشرت سنة 2004 لدكتور اسمه بينج ليو   الورقة البحثية ديه تم اقتباسها فى عدد 3853 ورقة بحثية بعد كدة خلال ال 12 سنة اللى فاتو يعنى بحسبة بسيطة نقدر نقول كل اسبوع بيتم الاشارة لهذه الورقة البحثية 5 مرات على الأقل منذ 12 سنة ولازال.

الكلام ده ليه بقى هل لأن الورقة البحثية ديه اكتشفت علم جديد او اخترعت آلة الزمن ؟
ابدا والله كل الفكرة ان الباحث اللى نشر الورقة البحثية ديه عارف ان هو ترس فى منظومة البحث العلمى وان البحث العلمى مش حكر على حد وان كل واحد مننا يا دوب بيحط طوبة فى بناء البحث العلمى العملاق فلو كل واحد حط طوبة بعيد عن طوبة التانى مفيش علم هيوصل لحاجة ولا هيكون منه فايدة لان اللى هو كان هيعمله هرجع انا اعمله من الاول تانى لانه منعنى اوصله واللى بعدى هيعمله من الاول تانى عشان انا منعته يوصله وهكذا.

دكتور بينج ليو سنة 2004 بعد ما نشر الورقة البحثية ديه مكتفاش بكدة لأ ده عمل موقع على الانترنت حط عليه كل حاجة من اول الورقة البحثية اللى نشرها والمفروض انه يكسب منها لكنه وفرها مجانا + وفر مجانا ملف البيانات اللى استخدمه فى البحث بتاعه + وفر كمان كل الادوات اللى استخدمها فى البحث بتاعه + وفر كمان حتى الادوات اللى هو صتعها للبحث بتاعه رغم انها كانت لسه تحت التطوير. فاصبح اللى عايز يعيد نفس تجربة بينج ليو ويعيد البحث بتاعه هيقدر يعمل كدة بكل سهولة ويسر وبعد كدة يقدر يطور من بحثة عشان التوصل لنتائج أفضل .

احنا مش هنفيد غيرنا وبس لما نوفرله ادوات بحثنا اللى نشرنا بيها ابحاثنا لا احنا كمنا هنستفاد. طيب ازاى ؟
فيه حاجة اسمها h-index لكل عالم او باحث فى اى مجال من مجالات العلوم الاندكس ده بيتحدد قيمته بناءا على عدد الابحاث اللى نشرها الباحث من مرة وده بيكون ليها عامل ضعيف جدا فى تغيير قمة الاندكس والعامل الأأكبر هو عدد المرات اللى تم فيها الاشارة الى ابحاص هذا العالم المنشورة فى ابحاث تم نشرها لاحقا بالاضافة لبعض العوامل الاخرى الاقل تاثيرا.

مصدر المعلومة: https://en.wikipedia.org/wiki/H-index

فأتمنى إن كل حد مننا ينشر بحث يسعى بنفسه انه يوفره لكل الباحثين وكل الادوات اللى استخدمها كمان طالما هو نشر بحثة واثبت حقوق الملكية الفكرية عليه فمفيش اى قلق من السرقة لان المؤسسات الاكاديمية فى معظم الدول بتتبع قوانين صارمة جدا مع الباحث اللى بيسرق ابحاث منشورة لغيرة او حتى مجرد افكار غيرة بدون ان يشير الى مصدر الفكرة فى بحثة لدرجة انه بيتم فى كثير من الاماكن توزيع اسم الباحث واسم الجامعة التى ينتمى اليها الى كل المجلات العلمية والجهات الناشرة للابحاث لعدم نشر اى بحث له وتنبييه للجامعة التى يدرس به ويصبح الباحث والمشرفين على بحثة محل شبهة فى اروقة البحث العلمى حينها.



A researcher has an index h if h of his Np publications have at least h citations each, and the other (Np - h) publications have at most h citations each. In other words, an author with an index of h has published h papers each of which has been cited in other papers at least h times. (If you've published 3 papers that received 3 citations each, you have an h-index of 3.)


المصدر:  http://www.lib.vt.edu/research/metrics/author/h-index.html



« آخر تحرير: 18/09/2016, 03:53:50 صباحاً بواسطة محمود الرزاز »
التوقيع"هناك فكرة فى غاية البساطة والوضوح وراء كل فكرة غير واضحة أو مشوشة وأضفى عليها الإنسان تعقيدا." (د. أحمد زويل من كتاب رحلة عبر الزمن)

غير متصل w33blaster

  • Full Member
  • ***
  • مشاركة: 130
  • Karma: +0/-0
  • "إِنَّا لَا نُضِيعُ أَجْرَ مَنْ أَحْسَنَ عَمَلًا".
    • البريد الالكتروني
  • السنة الدراسية: تمهيــدي ماجستيــر
  • القسم: نظــم معلومــات
معلومات مفيدة يا رب الناس تستوعب الكلام وربنا يعينهم ويطبقوه
جزاكم الله خيراً وربنا يوفقك في رسالتك...:)
التوقيع(اللَّهُمَّ إِنِّي أَسْأَلُكَ مِنَ الْخَيْرِ كُلِّهِ: عَاجِلِهِ وَآجِلِهِ، مَا عَلِمْتُ مِنْهُ وَمَا لَمْ أَعْلَمْ، وَأَعُوذُ بِكَ مِنَ الشَّرِّ كُلِّهِ عَاجِلِهِ وَآجِلِهِ، مَا عَلِمْتُ مِنْهُ وَمَا لَمْ أَعْلَمْ .... اللَّهُمَّ إِنِّي أَسْأَلُكَ أَنْ تَجْعَلَ كُلَّ قَضَاءٍ قَضَيْتَهُ لِي خَيْرًا).

غير متصل محمود الرزاز

  • https://www.facebook.com/mido.razaz
  • مدير
  • Hero Member
  • *****
  • مشاركة: 805
  • Karma: +0/-0
    • freelancers.city
    • البريد الالكتروني
  • السنة الدراسية: تمهيدى ماجستير
  • القسم: علوم الحاسب
معلومات مفيدة يا رب الناس تستوعب الكلام وربنا يعينهم ويطبقوه
جزاكم الله خيراً وربنا يوفقك في رسالتك...:)

الله يخليك
يارب الناس تستوعب وتطبق
التوقيع"هناك فكرة فى غاية البساطة والوضوح وراء كل فكرة غير واضحة أو مشوشة وأضفى عليها الإنسان تعقيدا." (د. أحمد زويل من كتاب رحلة عبر الزمن)


 


Facebook Comments