المحرر موضوع: أسباب رفض الأوراق البحثية للنشر  (زيارة 399 مرات)

0 الأعضاء و 1 ضيف يشاهدون هذا الموضوع.

غير متصل محمود الرزاز

  • https://www.facebook.com/mido.razaz
  • مدير
  • Hero Member
  • *****
  • مشاركة: 805
  • Karma: +0/-0
    • freelancers.city
    • البريد الالكتروني
  • السنة الدراسية: تمهيدى ماجستير
  • القسم: علوم الحاسب
أسباب رفض الأوراق البحثية للنشر
« في: 17/11/2016, 01:59:53 مسائاً »
أسباب رفض البحوث للنشر .. 1)

إزاي وليه مقبلوش البحث بتاعي للنشر؟؟ !!! :( :( :(
ده كان السؤال اللي طرحته علي نفسي منذ عده سنوات بعد رفض أحد المجلات لنشر أول بحوثى الذي استغرقت كتابتة عدة أشهر ..

وقتها كان في نظري إنه مش منطقي إنه يترفض البحث لكن بعد كده ظهر ليا عدة أسباب تخلي البحث يترفض حتي لو كان ممتاز من وجهة نظرى .. والأسباب دى هى موضوع المقال ده والمقالات القادمة بإذن الله ..

أول أسباب الرفض (أن البحث ميكونش متوافق مع مجال أو تخصص المجلة .. Scope)
كل مجلة ليها تخصص أو موضوعات معينة بتنشر فيها علشان كده مهم جدا إنك تقرأ تخصصهم ومجالهم البحثى علي موقعهم وتحاول تشوف بعض الأبحاث المنشورة في المجلة ومدي توافقها مع البحث بتاعك .. يعني هل نفس المجال؟ نفس القياسات؟ الخ ..

العلاقة بين البحث الصالح للنشر والمجلة أشبه ما تكون بعلاقة زواج .. !!!! :) :)
في حالة الطلاق ممكن كلا الزوجين يكونوا ممتازين .. بس مش ممتازين مع بعض ولا مناسبين لبعض ..
نفس الأمر فى العلاقة بين البحث والمجلة .. ممكن بحثك يكون ممتاز بس اتخلق لمجلة تانية فركز كويس ودور عليها لحد ما توصل ويتقبل البحث.

طيب .. ازاي تقدر تلاقي المجلة المناسبة؟ فيه عدة طرق منها:
= إنك تشوف البحوث اللي استشهدت بيها فى بحثك الحالى وتختار أقرب البحوث لبحثك كشكل وقياسات وأفكار وتشوف مجلاتها وتنشر فيها ومن ده أيضاً أنك تحدد الباحثين الأكثر عملاً فى نقطتك البحثية وتراجع سيرهم الذاتيه وأبحاثهم اللى مشابهة لبحثك وتشوف المجلات اللى نشروا فيها الأبحاث وتنشر فيها.

= إنك تدور علي Journal Impact Factor List وتعمل بحث جوا الملف علي المجلات اللي بتنشر في تخصصك فمثلا لو بحثك فسيولوجي ممكن تدوز بنفس الكلمة Physiology فيطلعلك مثلا Plant Physiology .. وتقدر تنزل الملف ده مع على الرابط التالى:
http://scientific.thomsonreuters.com/…/JCRFullCovlist-2016.…

= كمان فيه مواقع بتساعدك في تحديد المجلة المناسبة وبتطلب منك إنك تدخل عنوان البحث والملخص وبترشحلك المجلات اللي ينفع تنشر فيها وده من أفضل المواقع فى النقطة http://journalfinder.elsevier.com/
لأنه بيعطيك قائمة مجلات مرتبة طبقا لمدى صلاحيتها لنشر البحث بتاعك وبيعطيك معلومات تفصيلة عن المجلات دى زى الفترة حتى النشر ومعدل القبول بيها ونوعها ومعامل التأثير .. الخ

= إنك تسئل زمايلك الأكثر خبرة أو المتخصصين في مجالك وتوريهم البحث وتطلب مساعدتهم.
أذكر إنه كان نفسي أنشر في مجلة ذات تأثير 1.4وبعتلها البحث فعلا فاترفض ..
بعدها طلبت مشورة أحد المتخصصين اللي دلني علي مجلة Impact Factor 2.5 والبحث بفضل الله إتقبل :) :) :)

النشر الدولي في نظري لعبه :) لازم تتلعب صح ومحتاجة (علم) موجود في الكتب (وخبرة) جزء كبير منها بيجي بالممارسة والاحتكاك بينك كمؤلف وبين المراجعين وال Editors

إختيار المجلة المناسبة لبحثك هى النقطة الأكثر أهمية فى إن بحثك يتقبل وأتمنى أن النقاط السابقة تساعدنا جميعاُ إننا نحدد المجلة المناسبة ..

وإلى لقاء قريب مع السبب الثانى من أسباب رفض البحوث
لو عندك أى استفسار من فضلك ضعه فى التعليقات وسأرد عليه بإذن الله.
لو أستفدت من المقال Share للمهتمين بالأمر ووسع دائرة المعرفة والخير :) :) :)
لمزيد من المقالات العلمية
https://www.facebook.com/mohamed.mostafa.farag/

د. محمد مصطفى فرج
باحث بمعهد بحوث البساتين

منقول للفائدة
التوقيع"هناك فكرة فى غاية البساطة والوضوح وراء كل فكرة غير واضحة أو مشوشة وأضفى عليها الإنسان تعقيدا." (د. أحمد زويل من كتاب رحلة عبر الزمن)


 

Learn how to earn money working online from home [url=http://freelancers.city]http://freelancers.city[/url]